Аб памятным мерапрыемстве на Дзень Перамогі 9 мая 2021 г.
10.05.2021 г.
9 мая 2021 г. з нагоды 76-й гадавіны Перамогі ў Вялікай Айчыннай вайне Часовы павераны ў справах Рэспублікі Беларусь у Швейцарскай Канфедэрацыі Аляксей Жбанаў і Пастаянны прадстаўнік Рэспублікі Беларусь пры Аддзяленні ААН і іншых міжнародных арганізацыях у Жэневе Юрый Амбразевіч усклалі вянок да брацкай магілы савецкіх салдат на гарадскіх могілках г.Базеля «Хёрнлі».
У цырымоніі ўзялі ўдзел супрацоўнікі Пасольства і Пастаяннага прадстаўніцтва, Ганаровы консул Беларусі ў г.Лазане Андрэй Нажэскін, прадстаўнік Ганаровага консула Беларусі ў г.Пратэльне Г.А. Беелера.
Арганізатарам мерапрыемства выступіла Пасольства Расіі ў Швейцарыі. У сувязі з дзеючымі ў краіне знаходжання супрацьэпідэмічнымі мерамі прадстаўнікі кожнай дзяржавы ўскладалі вянкі па загадзя ўзгодненым графіку.
