Аб адкрыцці новага офіса Ганаровага консула А.Нажэскіна
28.01.2022 г.
Фота: SwissАфиша
27 студзеня 2022 г. на тэрыторыі абшчыны Жывізье (кантон Фрыбур) адбылося ўрачыстае адкрыццё новага офіса Ганаровага консула Рэспублікі Беларусь у Фрыбуры Андрэя Нажэскіна.
У мерапрыемстве ўзялі ўдзел Пасол Рэспублікі Беларусь у Швейцарыі Аляксандр Ганевіч і супрацоўнікі Пасольства, прадстаўнікі палітычных і дзелавых колаў, дыпламатычнага корпуса, СМІ.
Пасол уручыў А.Нажэскіну новы консульскі патэнт, выказаў удзячнасць за яго важкі ўнёсак у развіццё беларуска-швейцарскага супрацоўніцтва на папярэдняй пасадзе Ганаровага консула Рэспублікі Беларусь у г.Лазане і пажадаў поспехаў у далейшай рэалізацыі ўскладзеных на яго функцый.
У зваротным слове А.Нажэскін пацвердзіў гатоўнасць і надалей актыўна працаваць над пашырэннем сувязей з кантонамі Швейцарыі, якія ўваходзяць у яго консульскую акругу, забяспечваць на тэрыторыі консульскай акругі абарону правоў і інтарэсаў Рэспублікі Беларусь, яе грамадзян і юрыдычных асоб, быць злучальным звяном паміж патэнцыйнымі дзелавымі партнёрамі ў нашых краінах.
Фота на тытульнай старонцы: SwissАфиша
