Аб сустрэчы Пасла са Старшынёй Нацыянальнага савета Швейцарыі
29.12.2020 г.8 снежня 2020 г. адбылася рабочая сустрэча Надзвычайнага і Паўнамоцнага Пасла Рэспублікі Беларусь у Швейцарскай Канфедэрацыі Аляксандра Ганевіча са Старшынёй Нацыянальнага савета Федэральнага сходу Швейцарыі Андрэасам Эбі.
У сустрэчы ўзялі ўдзел сустаршыня парламенцкай групы дружбы Швейцарыя — Беларусь Марцін Хааб і кіраўнік службы міжнародных сувязей Федэральнага сходу Швейцарыі Клаўдыа Фішэр.
Пасол Беларусі стаў першым прадстаўніком дыпламатычнага корпусу, уганараваным аўдыенцыі ў новага кіраўніка парламента Швейцарыі пасля яго абрання 30 лістапада 2020 г.
Падчас сустрэчы былі абмеркаваны стан і перспектывы далейшага развіцця двухбаковага супрацоўніцтва з акцэнтам на міжпарламенцкія сувязі. А.Эбі пацвердзіў сваё асаблівае стаўленне да Беларусі і прыхільнасць да адкрытага і канструктыўнага дыялогу.
У снежні 2017 г. А.Эбі ўвайшоў ў лік заснавальнікаў першай у гісторыі двухбаковых адносін парламенцкай групы дружбы Швейцарыя — Беларусь у Федэральным сходзе Швейцарыі і з'яўляўся яе сустаршынёй да 2020 года. У лютым 2020 г. А.Эбі наведаў Рэспубліку Беларусь у якасці Першага намесніка Старшыні Нацыянальнага савета Швейцарыі.
