Аб Велікодным канцэрце ў Пасольстве
18.04.2023 г.
17 красавіка 2023 г. у Пасольстве Беларусі ў Швейцарыі прайшоў Велікодны вечар фартэпіяннай музыкі, прымеркаваны да Года міру і стварэння ў Рэспубліцы Беларусь.
У выкананні маладога беларускага піяніста, студэнта Бернскай вышэйшай школы мастацтваў Р.Камісарава прагучалі шэдэўры Й.С.Баха, Ф.Шапэна, Л. ван Бетховена, С.Рахманінава, Ф.Ліста, Ф.Лігеті, твор сучаснага швейцарскага кампазітара Х.Холігера.
У мерапрыемстве ўзялі ўдзел ганаровы консул Рэспублікі Беларусь Г.А.Беелер, прадстаўнікі федэральных органаў улады, дыпламатычнага корпусу, дзелавых і акадэмічных колаў, грамадскіх арганізацый, беларускай дыяспары.
У прывітальным слове Пасол А.Д.Ганевіч працытаваў віншаванне Прэзідэнта Рэспублікі Беларусь А.Р.Лукашэнкі хрысціянам Беларусі, адзначыў шматвекавыя традыцыі мірнага суіснавання на тэрыторыі нашай краіны розных этна-канфесійных груп і міралюбны характар знешняй палітыкі Рэспублікі Беларусь, паінфармаваў прысутных аб Годзе міру і стварэння і згадаў ахвяры беларускага народа ў выніку генацыду з боку гітлераўскай Германіі падчас Вялікай Айчыннай вайны, выказаў надзею на хутчэйшае спыненне кравапраліцця паміж брацкімі народамі, умацаванне міру і ўзаемаразумення ў міжнародных адносінах.
